Bugun, 13-oktabr kuni futbol ixlosmandlarini qiziqarli o‘rtoqlik o‘yini kutmoqda — O‘zbekiston milliy terma jamoasi Malazyadagi Hang Jebat stadionida Janubiy Amerikaning kuchli vakili Urugvayga qarshi maydonga tushadi.

Bu bahs Fabio Cannavaro boshchiligidagi o‘zbekistonliklar uchun birinchi jiddiy sinovlardan biri bo‘ladi. Italiyalik mutaxassis jamoaga yangi taktika va intizom olib kirayotganini ta’kidladi.

Cannavaro shogirdlari oxirgi yig‘inlarda ko‘p e’tiborini pressing va tezkor o‘tishlarga qaratdi. Eldor Shomurodov va Fayzullayev jamoa hujumidagi asosiy kuch bo‘lishi kutilmoqda.
Shuningdek, yangi futbolchilar ham o‘z imkoniyatini ko‘rsatish uchun maydonga tushadi.

Urugvay pressingni afzal ko‘radi, ammo asosiy o‘yinchilar yo‘qligi sababli markazda bo‘shliqlar bo‘lishi mumkin.
O‘zbekiston esa qanotlardan hujum qilib, tezkor kombinatsiyalar orqali raqibni bosim ostiga olishni rejalashtirmoqda.

Agar Shomurodov va Fayzullayev samarali harakat qilsa, o‘zbekistonliklar g‘alaba uchun haqiqiy imkoniyatga ega.